Transcription
1
Monsieur, par mon laquay je vous ay bien au long escript
2
lestat de la santé de mon nepveu, laquiuelle
3
graces à Dieu, va tousiours de mieulx en mieulx.
4
Il doune quelque tour par la chambre et
5
mange hors du lict. De faiblesse, il en ha
6
mais les chaleurs soint si extrèmes icy
7
que les plus seyns se trouve[n]t bien pesans.
8
De ma part, enquores que ne vous en ay rien
9
escript, je puis dire navoir heu bon jour despuis
10
que y suis que despuis deux que prins une
11
legière medecine estant auparavant travalhé
12
de mal de teste et de reins. Nous
13
atandons vostre comandement pour scavoir où trouverés
14
plus à propos que mon nepveu alhe prandre
15
laer et ne nous aterons en riens et sans ladvis
16
des medecins. Celluy qui feut le premier pour
17voir mon [barré : decin ] nepveu vient quelques fois
18
et presque tous les jours le voir, mais non
19
coume medecin. Je vous envoie ung discours des
20
nouvelles de Flandres que peult estre aurés
21
desia sceu. Il est si mal escriptque ne suis
22
peu venir à bout de le lire tout.
23
Lons tient le tout pour certein que monsieur de
24
Janlis ha heu la teste tranchée à Bruxelles.
25
Je nescrips pour ce coup rien à madame de
26
Gordes ; sil luy plait, elle mexcusera
27
[v°] presentant en cest endret mes très humbles
28
recoumandations à vous bones graces et celles de
29
ma dite dame et du reste de vostre compagnie,
30
et priant Dieu vous donner
31
Monsieur, en santé contante vie. De Lion, ce dernier
32[barré : aoust ] jullet 1572
33
Vostre à jamais très humble et
34
très obéissant frère
35
De Simianne